Komisioni Hetimor i Shëndetësisë, Vokshi: Mbledhja e vazhduar nga PS, e paligjshme

Opozita e konsideron të paligjshme mbledhjen e zhvilluar një ditë me pare me vetëm nga anëtarët e Partisë Socialiste në Komisionin Hetimor të Shëndetësisë si dhe vendimet e miratuara prej tyre.

Miratimi i planit hetimor një ditë më parë vetëm nga anëtarët e mazhorancës në komisionin hetimor të shëndetësisë është konsideruar nga opozita e paligjshme. Në një konferencë për mediat, kryetarja e komisionit Albana Vokshi deklaroi se mazhoranca nuk ka vullnetin për të vijuar hetimin parlamentar të kontratave të check up dhe sterilizimit.

“Mbledhja e vazhduar nga Partia Socialiste, pas mbylljes, është e paligjshme, është një vetëgjyqësi politike, mafioze. Vendimet që u morën janë të pavlefshme. Opozita do vazhdojë të bëjë transparencë për këto dy afera”, -tha kryetarja e komisionit hetimor të shëndetësisë, Albana Vokshi.

Një ditë më parë, pas 3 orësh debate dhe përplasje anëtarët e mazhorancës dhe opozitës nuk gjetën dakordësinë për të miratuar planin hetimor dhe kërkesat për informacion. Palët ndaheshin tek mënyra sesi do të vijohet puna e këtij komisioni duke bërë që pas disa ndërprerjesh dhe largimit të anëtarëve të Partisë Socialiste, Albana Vokshi të mbyllte mbledhjen dhe të njoftonte mbledhjen e radhës të martën në orën 13.00.

LEXONI GJITHASHTU:

• Zbardhet drafti i plotë i PS për Komisionin Hetimor në Shëndetësi
• “T’i lexojmë të dy” – Debate për planin hetimor në komisionin e shëndetësisë