Pas shkarkimit të trajneri Osmanit, Vllaznia rikthen së stol teknikun gjerman

Mbrëmjen e së enjtes, Vllaznia largoi nga posti i trajnerit Qatip Osmanin, i cili e drejtoi skuadrën përreth 6 muaj, ndërsa gjatë së premtes është konfirmua zëvendësuesi i tij, e bëhet fjalë për Thomas Brdariç. Ky i fundit është prezantuar me skuadrën, ndërsa kjo gjë është publikuar dhe në rrjetet sociale të skuadrës, e cila e rikthen atë në stol pas 2 vitesh, pasi kujtojmë se e ka drejtuar këtë ekip dhe gjatë viteve 2020-2022. Ende nuk dihen objektivat e vendosura nga drejtuesit, por ajo cka tashmë dihet është se do të udhëheqë skuadrën në pjesën e mbetur të sezonit.

Shkarkimi i Qatip Osmanit ishte i papritur, për faktin se tekniku kishte bërë mjaft mirë në krye të kësaj skuadre. E mori drejtimi në fund të muajit tetor, ndërsa e nisi rrugëtimin me një barazim, por gjatë qëndrimit në Shkodër, statistikat ishin pozitive, pasi skuadra është ende në garë për titullin. 13 fitore, 6 barazime dhe 8 humbje bënë që Vllaznia të renditet e dyta në tabelë, por duket se eliminimi nga kupa nga Egnatia ka bërë që drejtuesit të marrin vendimin për largimin e tij.

Largimi i teknikut u bë i ditur nëpërmjet një njoftimi në rrjetet sociale, ku së bashku me Osmanin është larguar dhe ndihmësi i tij, Bashkim Livoreka.