Nora Malaj: Gruaja nuk mund të rrijë në shtëpi e të presë para nga burri

Sociologia Nora Malaj ishte këtë të premte e ftuar në “Good Morning Albanians” për të folur rreth një deklarate të Blerim Hakaj, hipnoterapisti i cili ka tërhequr vëmendjen me deklaratën se gruaja është më mirë të rri në shtëpi të merret me fëmijët se të dalë e të punojë.

Ajo tha se deklarata të tillë të çojnë pas në kohë, pasi gratë kanë mundësi që sot të arsimohen, të punojnë, të argëtohen e të kujdesen për familjet e tyre në të njëjtën kohë. Pedagogia shtëpi se kurrsesi “gratë s’kanë pse të qëndrojnë në shtëpi e të presin burrin që tu bëjë kafen”.

“Nuk duhet të kthehemi pas, ta shikojmë një burrë si burim të të ardhurave, ndërsa gruaja të rri e të presë burrin e të bëjë kafen në shtëpi. Njerëzit që janë në shtëpi dhe e shikojnë veten në pozicionin pritës pse mos ta duan.

Ky është një realitet që njeriun e kthen sedentar, ndërsa tjetrin burimor dhe shoqëria nuk merret vesh dhe fillon konflikti në familje. Nuk është marrëdhënie e vlerësueshme, sepse në fund të ditës këta nuk janë dy kapitalistë që do ndajnë kapitalin. Këta janë dy njerëz që e kanë dashur njëri-tjetrin, dhe të dyja palët duhet ti japin hapësirë njëri-tjetrit”,-tha Nora Malaj.

LEXONI GJITHASHTU:

• “Gruaja e ka kuptuar rolin e saj”, hipnoterapisti: Të mbajë fëmijët, jo të punojë
• “Burrat janë miq më besnikë për gratë”-ja arsyeja sipas Nora Malaj