Vuçeviç: Serbia nuk do të heqë dorë nga Kosova, me asnjë çmim

“Serbia kurrë nuk do të heqë dorë nga Kosova dhe Metohia, me asnjë çmim. Kjo duhet të jetë e qartë për të gjithë. Natyrisht, anëtarësimi i plotë në Bashkimin Evropian mbetet objektivi ynë strategjik. Ne nuk do ta braktisim rrugën evropiane, sepse është në interes të ekonomisë, infrastrukturës dhe qytetarëve tanë. Megjithatë, anëtarësimi i plotë nuk është afër, por jo për fajin tonë. Së pari, Brukseli duhet të vlerësojë nëse është i gatshëm të pranojë anëtarë të rinj”, tha kryeministri i Serbisë Millosh Vuçeviç në një intervistë për Novosti.

“E theksoj edhe një herë, ne nuk do të heqim dorë nga lufta për sovranitetin dhe integritetin tonë. Serbia, e udhëhequr nga SNS, nuk do ta njohë kurrë pavarësinë e shpallur në mënyrë të njëanshme të të ashtuquajturve Kosova, dhe jam i sigurt se as përpjekja e tyre për të hyrë në Kombet e Bashkuara nuk do të ketë sukses. Lufta nuk është e barabartë, por në fund do të fitojmë!”, tha Vuçeviç në një intervistë për Novosti.

“Ne jemi të vendosur të ruajmë paqen. Stabiliteti dhe paqja janë të nevojshme për ne, sepse janë parakusht për mirëqenien kombëtare. Sot, ushtria jonë është e fuqishme, më e forta në rajon dhe është mjaft e fortë për të penguar çdo agresor të mundshëm dhe çdo përpjekje të Kurtit për të shkaktuar një pogrom të ri apo “Stuhi” të marsit”, theksoi më tej ai.

LEXONI GJITHASHTU:

• Osmani: Serbia po e shkelë marrëveshjen për të zhdukurit duke mos i hapur arkivat
• Deputeti ukrainas: Serbia të heqë dorë nga prirjet perandorake e ta pranojë Kosovën