Goditet qendra e prostitucionit në Durrës, procedohen 4 shtetas shqiptarë e të huaj

Një rast prostitucioni është goditur nga policia e Durrësit këtë të hënë, ku janë proceduar penalisht 4 shtetas shqiptarë dhe të huaj.

Të 4 shtetasit u kapën në ambientet e një pallati në lagjen nr. 4, teksa shfrytëzonin për prostitucion ose ushtronin këtë veprimtari kriminale.

Policia bën me dije se janë proceduar në gjendje të lirë shtetasit R. G., 20 vjeç, banues në Durrës, si dhe për shtetasit N. B., 56 vjeç, T. S., 28 vjeçe dhe A. P., 36 vjeçe (me shtetësi amerikane dhe bjelloruse).

Në cilësinë e provës materiale janë sekuestruar 3 pasaporta, 5 celularë dhe shuma parash të valutave të ndryshme të dyshuara të përfituara nga kjo veprimtari kriminale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Kthyen qendrën e masazheve në vatër prostitucioni, e “pësojnë” 5 vajzat në Tiranë
• Zbulohet qendra e prostitucionit në Tiranë, kamuflohej si sallon masazhesh