Projektligji për nënat surrogato, Meta: Vajzat shqiptare do përdoren si rezervate

Kryetari i Partisë së Lirisë, Ilir Meta, ka sulmuar ditën e sotme projektligjin për shëndetin riprodhues.

Meta tha se përmes këtij projekt-ligji për nënat surrogato, synohet që vajzat dhe gratë e vendit tonë të përdoren si rezerva për të mbajtur bebet e të tjerëve me para.

Ai tha se PE e konsideron euro-krim uteruesin me qira, ndërkohë që shtoi se pjesa më e hidhur e këtij projektligji është zgjatja e kohës së abortit dhe ulja e moshës për vajzat e reja që të vendosin për abortin, ndryshe nga ajo që ndodh në SHBA sipas Metës.

“Duan të krijojnë fermat e uteruesve. Po synojnë që të kthejnë vendin në qendër ndërkombëtare të uteruseve me këtë projekt-ligj për riprodhimin. Përdorin gratë dhe vajzat shqiptare si rezervate të paguara për të prodhuar bebe nga mbarë bota. PE e konsideron euro-krim uteruesin me qira.

Kjo është një tentativë për të mohuar përcaktimet sublime nënë-baba dhe për t’i kthyer ata në shprehje numerike prindi 1 dhe 2. Pjesa më hidhur është zgjatja e kohës së abortit dhe nxitja e abortit të vajzat e reja. Gjykata Supreme në SBBA ka marrë vendim ekstrem për abortet për të ulur javët e abortit”, tha Meta.

LEXONI GJITHASHTU:

• Projektligji për nënat surrogate reagon Këshilli Ndërfetar i Shqipërisë
• Teologu kundër nënave surrogate: Është njësoj si prostitucioni