Teologu kundër nënave surrogate: Është njësoj si prostitucioni

Teologu Miron Çako tha për “Good Morning Albanians” se nënat surrogate janë njëlloj si ushtrimi i prostitucionit, pasi ato po e kthejnë trupin e tyre në një objekt fitimi.

Ai tha se këto gra që pranojnë të jenë nëna surrogate po e konsiderojnë trupin e tyre një hotel ku fëmija rritet dhe mohojnë të kenë çfarëdo lidhje me ta, ndaj kështu atyre u humbet ndjeshmëria dhe amësia.

“Gruaja surrogate, ose përdorimi i gruas zëvendëse, quhet sot prostitucion nga vetë gruaja. Ashtu si një grua për të fituar disa para jep trupin, kjo jep mitrën e vetë. Ajo e kthen trupin e vetë në një objekt fitimi. Mbi të gjitha kjo grua shprehet se nuk ka asnjë lidhje me këtë fëmijë që po mban.

Ka raste ku ajo përdor vezën e saj, por sido që të jetë ka material gjenetik që përcillet. Shikoni se si këto gra kanë humbur çdo lloj ndjeshmërie, ato e ndiejnë veten si hotel ku rri fëmija. Ato në realitet e ndiejnë atë fëmijë, i japin gjakun e tyre, por te këto gra humbet amësia. E gjithë kjo krijon një shoqëri të egër”,-tha teologu.

LEXONI GJITHASHTU:

• “Çdo shqiptar i rrezikuar me jetë në burgjet serbe, si rob lufte”-avokati nga Kosova
• “Ish-ushtari i UÇK-së u burgos në Serbi se kaloi kufirin”, flet avokati nga Kosova