“Çdo shqiptar i rrezikuar me jetë në burgjet serbe, si rob lufte”-avokati nga Kosova

Xhevdet Smakiqi avokati i ish-luftëtarit të UÇK-së Hasan Dakaj, tha në një intervistë për “Good Morning Albanians” se çdo shqiptari në burgjet e Serbisë i rrezikohet jeta.

Ai tha se Serbia nuk e ka juridiksionin e duhur për të gjykuar ish-luftëtarët e UÇK-së në lidhje me dyshimet për përfshirje në krime lufte, pasi kjo i takon Gjykatës së Hagës, ndaj sipas tij të burgosurit duket se po mbahen më tepër si rob lufte.

“Çdo shqiptar i cili bie në prangat e shtetit serb është i rrezikuar me jetë, është i rrezikuar për keqtrajtim, për poshtërim dhe për shkelje të drejtave dhe lirive të njeriut. Rasti i Mehmet Nezirit është i tillë, gjykimi i zvarritet, ai nuk lirohet.

Ne i konsiderojmë si rob lufte, sepse taktika dhe inskenimi që bën prokuroria e Serbisë janë si në kohë lufte. Këtu duhet të ndërhyjë bashkësia ndërkombëtare, pasi bëhet fjalë për rrëmbim politik”,-tha avokati Smakiqi.

LEXONI GJITHASHTU:

• “Ish-ushtari i UÇK-së u burgos në Serbi se kaloi kufirin”, flet avokati nga Kosova
• Gazetari zbardh vrasjen e shqiptares: Ishte paramendim nga partneri grek