Sekretari i Përgjithshëm i Kryeministrisë, Engjëll Agaçi paraqitet në SPAK

Sekretari i Përgjithshëm i Kryeministrisë, Engjëll Agaçi është paraqitur ditën e sotme në SPAK.

Pas daljes nga ambientet e Prokurorisë së Posaçme, Agaçi ka deklaruar se është pyetur lidhur me hetimin për inceneratorin e Tiranës.

“Isha për inceneratorin e Tiranës. Tashmë nuk përbën lajm thirrja në SPAK, pasi çdo njeri mund të vijë dhe të jap sqarime për çështjen”, ka thënë Agaçi pas daljes nga SPAK.

Kujtojmë se pak kohë më parë emri i tij u përmend edhe në një investigim të medias italiane Rai3, për lidhjet e tij me personazhe të botës së krimit.

Vetë Agaçi pranoi se kishte marrë përsipër çështje të personave të ndryshëm të përfshirë në ngjarje kriminale, por nuk pranoi të kishte lidhje të tjera me ta.

LEXONI GJITHASHTU:

• Berisha: Rama dhe Agaçi shkelmuan strategjinë e KE për trajtimin e mbetjeve
• PD për arrestimet e SPAK: Kokat e vërteta janë Rama, Veliaj, Ahmetaj dhe Agaçi