Paraqitet në SPAK kryebashkiakja e Durrësit, Emirjana Sako

Kryetarja e Bashkisë së Durrësit, Emirjana Sako, është paraqitur këtë të premte në Prokurorinë e Posaçme.

Pas daljes nga organi i akuzës pas tre orësh, kryebashkiakja e Durrësit tha se kishte dhënë shpjegime për një çështje që nuk lidhej me detyrën e saj si kryebashkiake.

Sako zgjodhi të mos jepte detaje, për shkak të ruajtjes së sekretit hetimor.

“Dhashë shpjegime për një çështje që nuk ka lidhje me detyrën time si kryetare bashkie, më është kërkuar të ruaj sekretin hetimore”, tha Sako.

E pyetur nëse është pyetur për inceneratorin e Tiranës, ajo u përgjigj shkurt “jo”.

Sako u paraqit në SPAK pak minuta pasi prej Prokurorisë së Posaçme doli Engjëll Agaçi, sekretari i përgjithshëm i Kryeministrisë.

LEXONI GJITHASHTU:

• PS mbyll fushatën në Durrës, Rama: Emirjana Sako do fitojë me mijëra vota diferencë
• Sako: Nuk ia kërkova Vangjush Dakos të më mbështesë në zgjedhje