“Do e bëni si në Rumani”, Abilekaj akuza Klosit: Strategjia për të goditur SPAK-un

Gazetari Enton Abilekaj debatoi me deputetin e PS, Blendi Klosi lidhur me rezolutën anti korrupsion të miratuar në Kuvend nga mazhoranca.

Abilekaj iu referua raportimit të kreut të SPAK në komisioni e Ligjeve, i cili tha se nga institucionet publike nuk ka asnjë denoncim në SPAK për korrupsion, çka tregon sipas tij se mazhoranca nuk ka vullnet ta luftojë korrupsionin. Përkundrazi, u shpreh Abilekaj qëllimi i mazhorancës është që të godasë SPAK.

“Ajo që e vë në dyshim këtë është që Dumani kur raportoi te ligjet tha se nuk kërkojmë mbështetje, e dyta tha që nuk ka asnjë denoncim nga institucionet në SPAK për korrupsionin. Denoncimet në SPAK janë zero. ILDKPI ka çuar zero, i tha me emra institucionet. I vetmi institucion që ka bashkëpunuar ishte KLSH, ky është vullneti politik. Atëherë nuk mund të dalësh të thuash do luftoj korrupsionin në shkallë të gjerë. Pse nuk ke çuar denoncime në SPAK për korrupsion? Kemi sot një deputet që ka dalë në SPAK se ka shitur hashash me grupet kriminale, është deputet i PS. Vitin e fundit të mandatit keni vendosur të luftoni korrupsionin. Doni të ndërhyni për të ndaluar SPAK, doni ta bëni si socilademokratët e korruptuar në Rumani”, tha Abilekaj.

LEXONI GJITHASHTU:

• Basha: PD nuk do ta votojë rezolutën anti-korrupsion, dëmton SPAK
• Çfarë ndikimi ka politika te SPAK? Qytetarët tregojnë mendimin e tyre