Haradinaj akuza të forta Kurtit: U rekrutua në burg nga serbët

Ramush Haradiaj, kryetar i Aleancës për Ardhmërinë e Kosovës (AAK), ka lëshuar akuza të rënda ndaj kryeministrit të Kosovës Albin Kurti, se ky i fundit “është i rekrutuar nga Serbia”.

Sipas tij, ky rekrutim ka ndodhur gjatë kohës sa ka qenë në burg në Serbi.

“Unë po ju them që Albin Kurti është i rekrutuar në burgun e Serbisë. Ka qenë edhe para se të shkojë në Serbi i afërt me serbët, këtu në Prishtinë, ka kaluar kohë më shumë Albini para se me u bë zëdhënës i UÇK-së, nuk e di si ka ardhur deri aty, e shpjegon historia që është i rekrutuar”, tha ai.

Haradinaj ka shtuar se Kurti zbaton agjendën ruse, që sipas tij ka për qëllim largimin e Kosovës nga SHBA-ja dhe NATO-ja.

“Të gjitha këto akte i ka mbulesë për me na shkaktuar një rrezik të madh, që është të na largojë nga Amerika, nga NATO dhe nga integrimet euro-atlantike. Ky njeri zbaton agjendën ruse dhe e mbulon veten e vet kundër vendit të vet me këto aktet populiste”, ka thënë Haradinaj në Klan Kosova.

LEXONI GJITHASHTU:

• Përvjetori i vrasjes së Luan Haradinajt, Kurti: Gjaku i tij skuqi gurët e kufirit!
• Kurti ngre alarmin: Rreziku i një lufte të re në rajon është i vërtetë