Dha deklaratë të rreme për aksidentin në Rrugën e Arbrit, vihet në pranga 55-vjeçari

Një 55-vjeçar ka përfunduar me pranga pasi ka dhënë deklarata të rreme lidhur me aksidentin e ndodhur ditën e djeshme (28 maj) në Rrugën e Arbrit.

Ai ka deklaruar se një mjet i kishte prerë rrugën, gjë që u bë shkak sipas tij e aksidentit ku u dëmtuan pasagjerët e ndodhur në furgon.

Pas sigurimit të pamjeve nga kamerat në rrugë, kjo deklaratë e e tij ka rezultuar e pavërtetë.

Ai u arrestua dhe akuzohet  për veprat penale “Shkelja e rregullave të qarkullimit rrugor” dhe “Deklaratat e rreme përpara oficerit të policisë gjyqësore”.

Njoftimi i policisë

Mesditën e djeshme, dyshohet se për shkak të humbjes së kontrollit, furgoni që drejtonte 55-vjeçari (automjet për transport ndërqytetas të qytetarëve) ka dalë nga rruga dhe si pasojë janë dëmtuar pasagjerët në këtë automjet. Njëri nga të dëmtuarët vijon të jetë në kujdesin e mjekëve dhe jashtë rrezikut për jetën, ndërsa të tjerët pasi kanë marrë shërbimin mjekësor, janë larguar në banesa.

Gjithashtu, gjatë kryerjes së veprimeve hetimore dhe procedurale për aksidentin, shtetasi A. L. ka dhënë deklarim të rremë, se një automjet tjetër i kishte ndërprerë rrugën dhe ishte bërë shkak për këtë aksident.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

LEXONI GJITHASHTU:

• Diplomati kroat: Kosova ka hyrë tashmë në rrugën drejt NATO-s, partner i besueshëm
• Kush janë liderë evropianë që kanë vdekur në një aksident ajror?