I shpallur në kërkim në Belgjikë, arrestohet në Rinas 35-vjeçari

Një 35-vjeçar nga Kosova është arrestuar në aeroprtin e Rinasit, pasi rezulton person në kërkim. 35-vjeçari është ndaluar me qëllim ekstradimi pasi pasi autoritetet belge i kanë caktuar masën e sigurisë “Arrest në burg”, për veprën penale “Vjedhja me dhunë”.

Policia e Shtetit bën me dije se vijojnë procedurat për ekstradimin e këtij shtetasi, në Belgjikë.

“Si rezultat i kontrolleve të detajuara në hyrje/dalje të RSH-së dhe në zbatim të masave të përcaktuara në planin operacional “Sundimi i ligjit”, u finalizua operacioni policor i koduar “Gate”, gjatë të cilit shërbimet e Komisariatit të Policisë Rinas ndaluan në dalje, shtetasin e shpallur në kërkim ndërkombëtar:

– D. R., 35 vjeç, banues në Kosovë.

Ky shtetas ishte shpallur në kërkim ndërkombëtar, pasi autoritetet belge i kanë caktuar masën e sigurisë “Arrest në burg”, për veprën penale “Vjedhja me dhunë””, njofton policia.