Gati urgjenca e QSUT, Cani: Shërbimi nuk ka munguar, rihapemi me kapacitet të plotë

Pas zjarrit  të 11 shkurtit, që e nxori nga funksioni, Urgjenca e QSUT, do ti rikthehet punës me kapacitet të plotë brenda javës që vjen.

Drejtoresha e këtij institucioni, Alma Cani konfirmon se punimet kanë përfunduar dhe se aktualisht po testohen linjat elektrike dhe instalimet e aparaturave.

Deri më tani nga testimet nuk janë konstatuar dëme në aparatura imazherike të renda si skaner dhe rezonancë, ndërsa do të jenë ekspertët që do të thonë fjalën e fundit.

Edhe pse nuk ka funksionuar në të gjitha fushat, urgjenca e QSUT e ka ofruar shërbimin e saj për pacientët pa ndërprerje.

Në 11 shkurt të këtij viti, një shkëndijë elektrike në një nga dhomat teknike në katin e 2-të dëmtoi të gjithë sistemin elektrik, çka bëri të pezullohet puna në spitalin e ri. 30 mln lekë u alokuan për kthimin në funksion të urgjencës.

LEXONI GJITHASHTU:

• Risi teknologjike në QSUT, aparaturë joinvazive për matjen e oksigjenimit të trurit
• Prokuroria e Tiranës urdhëron riekspertim të shkaqeve të zjarrit në QSUT