Aksident i rëndë në Elbasan, makina bie në humnerë. Kërkime me helikopter

Një aksident i rëndë ka ndodhur mëngjesin e kësaj të shtune në aksin rrugor Fushë Buall-Shushicë ku një mjet ka humbur kontrollin duke rënë disa metra në greminë.

Pas disa orë kërkimesh, ekipet e Zjarrfikëses së Elbasanit, Emergjencave Civile dhe Ekipet e Alpinizmit të Kërkim Shpëtimit Malor arritën të lokalizojnë mjetin që doli nga rruga në aksin Fushë- Buall Shushicë dhe që përfundoi në greminë.

Brenda mjetit u gjet i pajetë vetëm drejtuesi i tij, shtetasi Nazmi Boja, i cili po udhëtonte i vetëm.

Gjetja e mjetit u bë e mundur fal ndërhyrjes së ekipit të Emergjencave Civile, për shkak se ndërhrja nga toka ishte shumë e vështirë.

Dhjetëra punonjës u angazhuan për të shpëtuar personin e aksidentuar, por terreni malor e vështirësoi punën e ekipeve të shpëtimit.

Grupi hetimor dhe policia ndodhen ën vendngjarje dhe po vijojnë punën për zbardhjen e rrethanave të aksidentit.

LEXONI GJITHASHTU:

• Aksident i rëndë në Librazhd-Elbasan, vetura përplaset me kamionçinën
• Aksident në aksin ‘Pogradec-Drilon’, përplasen 2 makina, plagosen 4 persona