Seanca solemne për 25-vjetorin e Çlirimit, Osmani: Kosova mertiton të jetë në NATO

Kuvendi i Kosovës mbajti këtë të mërkurë një seancë solemne në nderim të ditës së Çlirimit, kur forcat paqeruajtëse të NATO-s hynë në Kosovë, duke shënuar fundin e luftës dhe çlirimin e vendit.

Në fjalën e saj në Kuvend, Presidentja e vendit Vjosa Osmani, e cilësoi hyrjen e NATO-s në Kosovës jo vetëm si një fitore ushtarake dhe kapitullim të Serbisë, por një triumf të shpirtit njerëzor mbi Tiraninë.

“Hyrja e NATO-s në Kosovë ishte dëshmi e fuqisë së solidaritetit ndërkombëtar. Liria është më shumë sesa fjalë, është thelbi i qenies tonë, ajri që e thithim, ëndrra që guxuam ta ëndërrojmë dhe e ardhmja që aspiruam dhe për të cilën luftuan dhe dhanë jetën çlirimtarët tanë. Hyrja e NATO-s nuk ishte thjeshtë fitore ushtarake dhe kapitullim i Serbisë Millosheviqiane, ishte triumf i shpirtit njerëzor mbi tiraninë”, tha Osmani.

Osmani theksoi gjithashtu se sot Kosova e meriton të jetë pjesë e aleancës së NATO-s.

Ajo  vlerësoi partneritetin dhe aleancat e Kosovës me ndërkombëtarët, për të cilat tha se nuk duhet të merren të mirëqëna por dihen mirëmbajtur.

Gjithashtu Presidentja e Kosovës, u ndal dhe te figurat kyç që luajtën një rol të rëndësishëm në luftën e vendit për pavarësi.

Ajo përmendi “rezistencën e ish presidentit Ibrahim Rugova, heroizmin e komandantit legjendar Adem Jashari dhe tërë dëshmorëve të Ushtrisë Çlirimtare të Kosovës”.

LEXONI GJITHASHTU:

• 25-vjetori i Çlirimit, Kurti: BE, familja e synuar politike! NATO destinacioni ynë
• 25-vjetori i Çlirimit të Kosovës, Bill Clinton shpërndan videon pas sulmit të NATO-s