Mitsotakis ristrukturon qeverinë greke pas zgjedhjeve në PE, emrat që janë ‘në lojë’

Rezultati jo i pritshëm i zgjedhjeve europiane ka bërë që kryeministri i Greqisë, Kyriakos Mitsotakis bëjë një ristrukturim të qeverisë, me synimin kryesor për një trajtim më efektiv të problemeve të përditshme.

Sipas mediave në vendin fqinj, thonë se Kyriakos Mitsotakis ka vendosur për ndryshimet që do të bëjë dhe është çështje ditësh që të bëhen njoftimet përkatëse.

Duke qenë se në fundjavë Mitsotakis do të largohet në Zvicër për konferencën për Ukrainën dhe të hënën do të shkojë në Bruksel për një këshill joformal, skenari që riorganizimi të shpallet nesër pasdite është më i mundshmi.

Në fakt pritet që të bëhet fillimisht mbledhja e Këshillit të Ministrave dhe vlerësimi i rezultatit zgjedhor dhe më pas Kyriakos Mitsotakis të kërkojë dorëheqjet e ministrave përkatës.

Për ministrat e pazhvendosur, sipas informacioneve, mes tyre janë Nikos Dendias, Makis Voridis, Akis Skertsos, Pavlos Marinakis, Kostis Hatzidakis, Giorgos Gerapetritis dhe Adonis Georgiadis.

Se kush do të ndryshojë portofolet, emrat në lojë janë Christos Staikouras, Thodoris Skylakakis, Nikos Papathanasis, Nikis Kerameos dhe Domnas Michailidou.

Në të njëjtën kohë, sipas informacioneve, qeverisë së re pritet t’i bashkohen Takis Theodorikakos, Thanos Plevris dhe Notis Mitarakis.

Gjithashtu, disa informacione thonë që Makarios Lazaridis, Dimitris Markopoulos dhe Kostas Giulekas do të marrin disa poste në qeveri.

LEXONI GJITHASHTU:

• Mitsotakis: Mickoski të respektojë emrin e shtetit të Maqedonisë së Veriut
• Takimi i Ramës në Athinë, Mitsotakis: Totalisht privat, s’kishim pse ta ndalonim