Qarkullonin me 100 mijë euro në makinë, në hetim 2 persona në Fier. Çfarë dyshohet

Dy persona janë proceduar penalisht nga Policia në Fier, pasi u kapën në flagrancë teksa qarkullonin me shuma të mëdha parash në automjetin e tyre.

Përmes një njoftimi Policia bën të ditur se dyshohet se këto para janë përfituar nga aktivitetet kriminale të kryera jashtë vendit.

Shumat e parave u sekuestruan në cilësinë e provës materiale, bashkë me 2 automjetet tip “Benz” dhe 2 celularë.

Ndërkohë vijon puna hetimore për përcaktimin e burimit të të ardhurave të këtyre shtetasve.

Njoftimi i Policisë:

Fier- Dy persona janë në procedim penal pasi u kapën teksa qarkullonin me automjet, me shuma të mëdha parash, që dyshohet se janë përfituar nga veprimtari kriminale të kryera jashtë vendit.

Në vijim të veprimeve procedurale u referua materialet në Prokurori ku nisi procedimi penal për shtetasit:

-A. L., 51 vjeç, banues në Levan, Fier, pasi gjatë kontrollit në automjetin që drejtonte, shërbimet e Policisë gjetën 89 390 euro, pa dokument shoqërues për burimin e tyre;

-J. Xh., 53 vjeç, banues në Fier, pasi gjatë kontrollit në automjetin që drejtonte, shërbimet e Policisë gjetën 11 500 euro dhe 60 000 lekë, pa dokument shoqërues për burimin e tyre, informoi sot policia e Fierit.

Shumat e parave u sekuestruan në cilësinë e provës materiale, bashkë me 2 automjetet tip “Benz” dhe 2 celularë.

Vijon puna hetimore për përcaktimin e burimit të të ardhurave të këtyre shtetasve.

LEXONI GJITHASHTU:

• U zgjodh eurodeputet, Fredi Beleri flet nga burgu: Është meritë e Ramës
• SPAK i sekuestroi 3.1 mln euro, Apeli i GJKKO vendos për pasuritë e Oltion Bistrit