Humbja me Italinë, ish-kapiteni Lala tregon arsyet: S’duhet të tërhiqeshim aq shumë

Ish-kapiteni i Kombëtares shqiptare, Altin Lala, në një lidhje për Euronews Albania ka bërë një analizë të ndeshjes mes Shqipërisë e Italisë në Euro 2024, të luajtur 2 ditë më parë në Dortmund të Gjermanisë.

Lala tha se një nga shkaqet kryesore të humbjes është tërheqja e ekipit kombëtar më shumë se ç’duhet, pas golit të parë të Bajramit.

Lala tha se është e vështirë që duke qëndruar vetëm në mbrojtje t’i rezistosh një ekipi si Italia, e cila pavarësisht se sipas tij flitet se nuk ka lojtar cilësor, është një ndër skuadrat më të mira në botë.

“Ishte një festë e jashtëzakonshme, unë kam luajtur për fat në Gjermani, edhe në Dortmund, ku në ndeshjet e Bundesligës në stadium janë 80 mijë shikues. Por kjo atmosferë pas golit, ne praktikisht filluam lojën me 1-0. Pas 23 sekondash shënuam, ishte një atmosferë e jashtëzakonshme.

Njerëzit që ishin në stadium kanë qenë të eksituar. Por mendimi im është se ne filluam të tërhiqeshim jashtë mase shumë, nuk reaguam ashtu siç duhej. Natyrisht 1-0 ishin akoma 90 minuta të luaje dhe ishte gabim nga ana taktike që të tërhiqeshe aq shumë dhe pothuajse se përveç Brojës ishin gjithë lojtarët para 16-shës.

Kështu nuk mundesh të rezistosh 90 minuta par Italisë, që megjithëse thuhet se nuk ka shumë emra të mëdhenj, është një Kombëtare me histori që hyn te më të mirat në botë për mendimin tim”, tha Lala.

LEXONI GJITHASHTU:

• Euro 2024| Italia fiton ndeshjen kundër Shqipërisë me rezultatin 2-1
• BBC e UEFA jehonë golit të Shqipërisë ndaj Italisë: Më i shpejti në Europian