Çani: Basha në Ambasadën e SHBA pasi i hoqën vulën, çfarë iu tha! Bardhi: Gënjeshtër

Gazetari Arian Çani është shprehur se ish-kryedemokrati Lulzim Basha ka shkuar në Ambasadën e SHBA-ve pasi Gjykata e Apelit i dha vulën Berishës.

Komentet Çani i bëri në emisionin “Now me Erla Mëhillin” në Euronews Albania, ku tha se kanë dalë informacione sikur Ambasada e SHBA-ve e ka këshilluar Bashën të bëjë rekurs në Gjykatën e Lartë për humbjen e vulës.

Nga ana tjetër, kreu i Grupit Parlamentar të PD-së, Gazment Bardhi, tha se kjo është një gënjeshtër.

Bardhi tha gjithashtu se Basha bën shumë gabim që flet në emër të Ambasadës së SHBA-ve.

Pjesë nga diskutimi:

Çani: Një ditë pas marrjes së vulës nga Berisha, Luli ka qenë në Ambasadën e SHBA. Dhe nga grupi i Lulit ka dalë informacioni se ata i kanë thënë pas takimit se duhet të bëjë rekurs për vulën.

Bardhi: Basha bën një takim shumë të madh që nën tavolinë flet në emër të SHBA-ve. Nuk ka asnjë ndërhyrje të SHBA-ve në çështjen e vulës së PD. Kanë qenë tërësisht neutral. Unë shpreh qëndrimet e mia. Për mua po është po, jo është jo. Jam përpjekur që të bëj një informim paraprakisht. E kam vlerësuar dhe e vlerësoj marrëdhënien strategjike me SHBA. Nuk kam komentuar kurrë deklaratat e asnjë ambasade të huaj. Nuk e kam shpallur ndonjëherë veten s ii dërguar i Presidentit Biden në Shqipëri, apo përralla të kësaj antyre që do vijnë anijet anglo-amerikane dhe do sulmojnë godinën ku është Berisha.

LEXONI GJITHASHTU:

• Basha me vetëm 8 deputetë, 2 të larguar në javën e parë pas vendimit për vulën
• Basha uron festën e Kurban Bajramit: Fat e begati për të gjithë shqiptarët