Dumani i tregon zyrat e SPAK, koordinatori amerikan habitet nga pirgu i dosjeve

Koordinatori për Anti-Korrupsionin Global Richard Nephew ka vizituar Shqipërinë ditën e sotme dhe ka zhvilluar takime me kreun e SPAK, Altin Dumani, prokurorët e SPAK, si dhe përfaqësues të BKH, Inspektoratit të Lartë të Deklarimit dhe Kontrollit të Pasurive dhe Konfliktit të Interesit (ILDKPKI) dhe Agjencisë së Prokurimit Publik.

Ka qenë kreu i SPAK, Altin Dumani, i cili e ka pritur vetë zyrtarin e lartë amerikan dhe i ka treguar zyrat ku punojnë prokurorët.

Nga fotografitë duhet se Nephew ka mbetur i çuditur nga sasia e madhe e dosjeve që ndodhen në zyrat e SPAK dhe presin për t’u hetuar.

Përmes një postimi në rrjetet sociale, Ambasada e SHBA ka ndarë lajmin dhe ka bërë të ditur se Nephew dhe zyrtarët shqiptarë diskutuan përpjekjet e vazhdueshme për forcimin e pavarësisë së gjyqësorit dhe luftën kundër korrupsionit.

Po ashtu në njoftim thuhet edhe se SHBA-të do të vazhdojnë të mbështesin institucionet e drejtësisë, që sipas tyre, po forcojnë demokracinë e Shqipërisë, teksa ajo përparon në rrugën drejt BE-së.

Postimi i Ambasadës së SHBA:

Koordinatori për Anti-Korrupsionin Global Richard Nephew pa sot në veprim institucionet gjyqësore shqiptare gjatë takimeve me kreun e SPAK, Altin Dumani, prokurorët e SPAK, si dhe përfaqësues të Ministrisë Anti-Korrupsion, Inspektoratit të Lartë të Deklarimit dhe Kontrollit të Pasurive dhe Konfliktit të Interesit (ILDKPKI) dhe Agjencisë së Prokurimit Publik. Nephew dhe zyrtarët shqiptarë diskutuan përpjekjet e vazhdueshme për forcimin e pavarësisë së gjyqësorit dhe luftën kundër korrupsionit. Shtetet e Bashkuara do të vazhdojnë të mbështesin institucionet e drejtësisë që po forcojnë demokracinë e Shqipërisë teksa ajo përparon në rrugën e saj drejt BE-së.

LEXONI GJITHASHTU:

• SPAK dorëzon kërkesë në Ministrinë e Drejtësisë për ekstradimin e Durim Bamit
• Vettingu në Polici|Gazetari zbulon prapaskenat: Parapritë e një tjetër dosje të SPAK