SPAK dorëzon kërkesë në Ministrinë e Drejtësisë për ekstradimin e Durim Bamit

Ditën e djeshme Prokuroria e Posaçme ka dorëzuar kërkesë në Ministrinë e Drejtësisë për ekstradimin e Durim Bamit nga Dubai drejt vendit tonë.

Kjo kërkesë e SPAK vjen pak ditë pasi Bami u ndalua në Dubai, lidhur me akuzat që rëndojnë kundër tij pas ‘zbërthimit’ të bisedave në aplikacionin Sky Ecc.

Durim Bami dyshohet të jetë një nga krerët kryesorë të grupeve kriminale në Shqipëri, që sipas bisedave, për ‘kokën’ e tij përllogaritet të paguheshin deri në 1 milionë dollarë.

Ishin disa grupe kriminale që nga Shkodra e deri në Vlorë që ishin bashkuar për eliminimin e Bamit, mes të cilëve grupi i Ervis Martinajt, Emiljano Shullazit, Avdylajve, etj, por pa rezultat.

LEXONI GJITHASHTU:

• Një nga ‘kokat’ kyçe të bandave, arrestohet në Dubai me qëllim ekstradimi Durim Bami
• Nga Doqja te vëllezërit Bami e klani Duka, zbardhen urdhër-arrestet e SPAK