Rajoni pa drita, kreu i ERE: Situatë sensitive, defekti nuk u shkaktua këtu

“Black–outi” që përfshiu Shqipërinë dhe rajonin në datën 22 qershor është i pazakontë. Me këtë koment, kreu i Entit Rregullator të Energjisë Petrit Ahmeti thotë se duhet pritur analiza e plotë e ngjarjes.

Shqipëria, Mali i Zi, Bosnje e Hercegovina dhe Kroacia u përballën mesditën datës 22 qershor me një ‘black out’ të plotë për të paktën 30 minuta. Një raport i detajuar për këtë situatë të paprecedentë, ende mungon, por për Entin Rregullator të Energjisë, defekti nuk ka qenë i brendshëm.

“Ju garantoj se nuk mund të jetë një problem i brendshëm që ndikon linjat e vendit. Presim raportin e ekspertëve të BE për këtë defekt. Ne sot morëm një informacion që brenda një kohe të shkurtër u vendos në punë sistemi shqiptar. Analiza do të na vë në dispozicion edhe arsyen se përse ndodhi kjo fikje e energjisë. Është ccështje sensitive, prandaj duhet të presim e analizës”.

Kreu i ERE-s, Petrit Ahmeti se është një rast i rrallë për linjat e tensionit të lartë, dhe si i tillë kërkon një analizë të thelluar.

“Është një situatë e vështirë në të gjithë rajonin. Defektet në linjat 400 kilovolt nuk para ndodhin dhe duan një analizë serioze. Ne presim analizën e këtij fenomeni, nuk është se ndodhi vetëm tek ne por edhe në fqinjët tanë. Ka qenë një defekt që ka ndodhur përpara me Malin e Zi dhe më pas me Greqinë. Aktualisht institucionet janë duke analizuar fenomenin”.

Për ngjarjen e paprecedentë, edhe Komiteti i Operacioneve të Sistemeve ENTSO do të kryejë një hetim ndërkombëtar, ndërsa paraprakisht temperaturat e larta konsiderohen si faktor për situatën kritike.  

LEXONI GJITHASHTU:

• “Black out” total në Shqipëri, Belinda Balluku sqaron çfarë ndodhi me energjinë
• Ceno Klosi merr detyrën e zv. Ministrit të Infrastrukturës dhe Energjisë