“Opozita në mobilizim të paparë”, Berisha: Rama duhet të largohet

Ish- kryeministri Sali Berisha në një njoftim për shtyp thekson se opozita duhet të angazhohet për të krijuar një qeveri teknike.

Ai shprehet se Edi Rama nuk ka asnjë arsye të vazhdojë të qeverisë, përveç dobësisë dhe mungesës së aksionit të opozitës dhe se ai po shtyp, burgos opozitën dhe zhduk çdo hapësirë demokratike për të.

Berisha garanton se “topi është në anën e opozitës” dhe se Partia Demokratike do të fitojë zgjedhjet.

Njoftim për shtyp
Opozita duhet të angazhohet dhe do të angazhohet në një mobilizim të paparë. Unë garantoj shqiptarët se shumë më shpejt se ata mund ta mendojnë, qeveria teknike krijohet në Shqipëri.
Natyrisht asgjë nuk arrihet pa sakrifica, por asgjë nuk meriton më shumë sakrificën se sa shpëtimi i Shqipërisë nga një regjim që po bën shfarosjen e ëmbël të shqiptarëve duke i përzënë ata në dhera të tjera, sa asnjë pushtim tjetër në historinë e këtij vendi.
Që po shtyp, burgos opozitën dhe zhduk çdo hapësirë demokratike për të.
Edhe njëherë them, meqenëse jemi në këtë kampionat futbolli; topi është në anën e opozitës.
Edi Rama ka humbur çdo gjë, ka humbur ligj, moral dhe ka vetëm narkobandat e tij me pushtet dhe jashtëpushteti që qëndron në zyrë.
A është bërë prova? Jo nuk është bërë prova. U bashkuam, tani duhet të përgatitemi për provën dhe fitoren. Nuk bëjmë provë për të dështuar, ne bëjmë provë për të fituar dhe ne do të fitojmë.
Ju përshëndes dhe përgëzoj për punën që bëni, si dhe shpresoj që Këshilli Kombëtar që thirret nga kjo mbledhje dhe mblidhet për të miratuar rezolutën që diskutoni sot, tu japë përgjigjen më të merituar, problemeve me të cilat përballet shoqëria shqiptare, përballet Shqipëria.

LEXO GJITHASHTU:

• Opozita në mobilizim të paparë Berisha: Rama duhet të largohet
• ‘Magjia e turizmit, falsitet’- Berisha: Shqipëria renditet në vendin e 66-të në botë