Abraham Linkolnit “i shkrin koka”, statuja prej dylli s’i mbijetoi dot të nxehtit

Statuja prej dylli e presidentit Abraham Linkoln duket se nuk arriti ti mbijetonte temperaturave të larta, të cilat thyen rekorde këtë javë në SHBA.

Sipas BBC, koka ishte e para që u shkri, e cila më pas u ndoq nga trupi e nga këmbët, të cilat pasi u shkeputën nga trungu u kthyen në pellgje dylli. Megjithatë statuja do të restaurohet.

Memoriali qëndron në vendin e Kampit Barker në Uashington DC – një kamp refugjatësh i kohës së Luftës Civile që strehonte afrikano-amerikanët e dikurshëm të skllavëruar dhe të liruar – tani shtëpia e një shkolle fillore.

Ajo u vendos jashtë shkollës fillore Garrison si pjesë e serisë së Monumenteve Wax nga artistja me bazë në Virxhinia, Sandy Williams IV.

Replika është më shumë se një statujë dylli – është gjithashtu një qiri. Dhe kjo nuk është hera e parë që ka probleme me shkrirjen.

Statuja u instalua në të njëjtin vend shtatorin e kaluar, por versioni i parë i monumentit prej dylli përfshinte mbi 100 fitila që u ndezën para kohe, duke shkrirë një pjesë të konsiderueshme të instalimit të artit përpara ceremonisë së përkushtimit të tij.

LEXONI GJITHASHTU:

• “When we see us”, muzeu zviceran shfaq piktura të njerëzve me ngjyrë në 100 vite
• Strehimi dhe kostoja e jetesës në Britani, në fokus të zgjedhjeve të ardhshme