Burime për Euronews Albania: Sali Berishës nuk do t’i hiqet mandati

Deputetit Sali Berisha nuk do t’ i hiqet mandati lajmin e ka bërë të ditur për Euronews Albania gazetarja Eksiola Shehu.

Kryetarja e Kuvendit mësohet të ketë thënë në nisje të mbledhjes se dëshiron t’u japë fund diskutimeve pas konsultimeve me njohës të kushtetutës e ligjit.

Sipas burimeve të siguruara nga gazetarja e Euronews Albania, Eksiola Shehu, kryetarja e kuvendit ka thënë në mbledhjen e konferencës së kryetarëve se do t’i japim fund spekulimeve. E njëjta situatë aplikohet edhe tani që deputeti është nën masë sigurie, njesoj si të ishte me raport për arsye shendetësore. Qenia e një personi nën këtë masë nuk mund të konsiderohet si mungesë pa arsye në Kuvend. Jemi konsultuar me njohës te ligjit dhe Kushtetutes.

Pas mbledhjes së konferencës së kryetarëve Gazment Bardhi dha edhe një deklaratë për mediat:

“Sapo ka përfunduar mbledhja e konferencës së kryetarëve. Sa i takon mandatit të Sali Berishës, strukturat ligjore të Kuvendit, ashtu si kushtetuta përcakton kanë konstatuar që bëhet fjalë për një mungesë me arsye, e madje deputeti në mënyrë aktive ka kërkuar të jetë prezentë në seancat plenare. Dua të ripërsëris për opinionin publik që fakti i mungesës nuk mjafton që deputetit Sali Berisha, apo një deputeti tjetër ti pengohet e drejta e ushtrimit të mandatit”,-tha Gazment Bardhi.

LEXONI GJITHASHTU:

• Berisha: Rama ka firmosur një vendim për të marrë çdo kompetencë të qeverisë vendore
• Berisha zbulon 2 taksat që do të hiqen të parat nëse PD vjen në pushtet