Nuk pritej rezultat nga takimi Kurti- Vuçiç, Hitaj: Heshtja e SHBA çelësi dështimit

Gazetari Arbër Hitaj, i ftuar në Now me Erla Mëhillin në Euronews Albania tha se një ndër faktorët që ndikoi në dështimin e marrëveshjes Kurti- Vuçiç ishte dhe heshtja amerikane.

Sipas tij kjo ndodhi sepse marrëdhënia e SHBA-së me Kurtin ka rreth dy vite që nuk është e mirë.

Gjithashtu gazetari tha se Serbia është treguar dinake për sa i përket marrëveshjes së Ohrit sepse nuk e ka firmosur atë dhe për rrjedhoje nuk ka asnjë detyrim ta zbatojë atë.

“Heshtja amerikane në rastin konkret për mua është çelësi o këtij dështimit. Amerikanët kanë kohë që po heshtin, kjo ndodh se kanë dhe problematika të hapura me zotin Kurti, kanë një vit dy vute që raportet nuk janë më të mirat e mundshmne, por janë të detyruar që ta njohin si faktor. Nuk pritej asnjë lloj rezultati ditën e sotme, Vuçiç nga një anë është treguar dinak që në momentin që u bë marrëveshja e Ohrit duke mos e firmosur, pavarësisht se të huajt kanë vendosur të jetë pikë e rëndësishme për anëtarësim, automatikisht bie qasja që duhet të jetë një marrëveshje 100% e detyrueshme nga ana e Serbisë për sa kohë nuk ka firmë nga ana e saj” tha gazetari.