Koreja e Veriut pretendon se ka testuar me sukses një raketë me koka bërthamore

Koreja e Veriut e ka kryer me “sukses” një testim të rëndësishëm për zhvillimin e raketave që janë në gjendje të bartin shumë koka bërthamore, raportoi të enjten agjencia shtetërore KCNA.

Por, ky pretendim i saj është cilësuar nga Koreja e Jugut si “mashtrim” për ta mbuluar dështimin e lëshimit të një rakete ditë më parë.

Koreja e Veriut tha se testimi u krye të mërkurën duke përdorur motorin fillestar me lëndë djegëse të ngurtë të një rakete balistike me rreze të mesme veprimi.

Një ditë më parë, Koreja e Jugut tha se Veriut i kishte shpërthyer në ajër një raketë hipersonike pak pasi ishte lëshuar nga brigjet e saj lindore.

LEXONI GJITHASHTU:

• Seuli: Prova e Phenianit me raketë duket se ka dështuar
• Kina nis raketë për në “anën e errët” të Hënës, ja misioni i saj