Kapen armë dhe muncione në një banesë në Tiranë, arrestohet një person

Policia e Tiranës ka arrestuar këtë të enjte një person në zonën e Saukut, në banesën e të cilit janë gjetur armë dhe municion luftarak.

Shtetasi G. H., akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit”, dhe “Prodhimi dhe mbajtja pa leje e armëve të gjuetisë dhe sportive”.

Gjatë kontrollit në banesën e këtij shtetasi, shërbimet e Policisë gjetën dhe sekuestruan në cilësinë e provës materiale, 1 armë zjarri automatike, 1 armë gjahu, krehra dhe municion luftarak për to, si dhe një palë dylbi.

Policia bën me dije se informacionet në lidhje me mbajtjen e armëve të zjarrit nga ky shtetas në banesë u siguruan në rrugë operative.

Materialet në ngarkim të tij i kaluan Prokurorisë, për veprime të mëtejshme procedurale.

LEXONI GJITHASHTU:

• Arrestimi i Ilir Beqajt, Braçe: Peshorja ka humbur ekuilibrin, po 21 janari?
• VIDEO| Momenti kur arrestohet ish-ministri i Shëndetësisë Ilir Beqaj
• Dosja me fondet e huaja që çoi në pranga Beqajn, nën gjykim dhe për “Sterilizimin”