U zgjodh eurodeputet, Fredi Beleri kërkesë burgjeve që të marrë pjesë fizikisht

Fredi Beleri i cili është zgjedhur eurodeputet ka kërkuar nga policia shqiptare që të lejohet të shkojë fizikisht në mbledhjen e Parlamentit Europian e cila do të zhvillohet më 15 korrik. Beleri është në mesin e 7 kandidatëve fitues të partisë Demokracia e Re e Kyriakos Mitsotakis

Ferdi Beleri tashmë e ka humbur mandatin e tij si kryebashkiak i Himarës, ndonëse nuk arriti kurrë që të kryejë betimin.

Fredi Beleri ndodhet në burg në Shqipëri, pasi u arrestua dy ditë përpara zgjedhjeve vendore të 14 majit të vitit të kaluar, nën dyshimet për blerje votash.

Ai ishte kandidati i opozitës në Himarë, dhe doli fitues me një diferencë të ngushtë votash. Gjykata e Posaçme për Korrupsionin dhe Krimin e Organizuar, e ka dënuar atë me dy vjet heqje liri, ky vendim u la në fuqi edhe nga Gjykata e Apelit.