EKSKLUZIVE/ Si dështuan negociatat e Sylvinho në Portugali, braziliani pret një…

Ecuria pozitive me kombëtaren shqiptare bën që Sylvinho të jetë në krye të merkatos së trajnerëve, me brazilianin i cili aktualisht vijon i qetë pushimet, ndërsa nuk ka firmosur ende rinovimin me kuqezinjtë.

Pak ditë më parë, Euronews Albania raportoi për interesin e Estoril Praia, ndërsa burime nga kampionati portugez, i thanë gazetarit Enriko Gabaj se palët dështuan në arritjen e një marrëveshje. Shkak është bërë paga e lartë e 50-vjeçarit, e cila nga drejtuesit e Estoril u cilësua e lartë, duke kërkuar një ulje të ndjeshme të saj.

Një tjetër burim deklaroi ekskluzivisht për gazetarin e Euronews, Enriko Gabaj, se Sylvinho ka si synim qëndrimin në Portugali, aty ku ekipi i preferuar prej tij është Sporting Lisbon. Problem mbetet trajneri Ruben Amorim, pasi largimi i këtij të fundit do t’i hapte vendin brazilianit, që po qëndron pas kuintave. Paga e Sylvinhos bashkë me stafin është e përballueshme nga 20 herë fituesit e kampionatit portugez.

Sylvinho ishte shumë pranë marrjes së ekipit, por dështimi i marrëveshjes mes Amorim dhe Liverpool bëri që braziliani të mos emërohet. Amorim po ashtu kërkon një aventurë të re, e në rast largimi, Sylvinho mund të konsiderohet trajner i Sportingut të Lisbonës.

Po ashtu, Euronews Albania mëson se Sylvinho ka lënë të hapur mundësinë për një rikthim në Shqipëri, por sigurisht me kushte të përmirësuara.

LEXONI GJITHASHTU:

• De Biasi këshillon Sylvinhon, italiani analizon veprimet e trajnerit të Kombëtares
• Miqësorja me Kilin, publikohen formacionet, Sylvinho lë Brojën në stol