Gazetarja: Djali 10 vjeç donte motër, por u mërzit kur mësoi gjininë

Historia e njohjes së tyre nisi teksa ishin të ftuara para disa muajsh në programin e mëngjesit në Euronews Albania për një teme te caktuar, njëra si gazetare dhe tjetra si gjinekologe.

Jo vetëm që e pëlqyen njëra-tjetrën por duket se lidhen edhe një raport më të fortë, atë të pacientes me mjeken.

Çenkuela, nënë e një djali dhe në pritje të fëmijës së dytë, e pëlqeu mjeken Edlira Bylykbashi dhe vendosi që të ndjekë të ajo shtatzëninë e dytë.

E ftuar në emisionin GoodMorning Albanians këtë të premte, gazetarja Hasa tregoi se djali i saj 10-vjeçar gjatë gjithë shtatzënisë dëshironte shumë që bebi të ishte vajzë, por ishte mërzitur pak kur kishte mësuar gjininë e fëmijës, që në fakt është vajzë.

“Djalit ka qenë një ndër arsyet më të mëdha që të bëja një fëmijë tjetër, gjininë  e kam parë vetëm me djalin dhe gjithë kohën kërkonte të kishte një motër, por në momentin  që shkuam për të parë gjininë ishte i përgatitur për një vëlla, dhe kur mori vesh që do bëhej me motër, u trishtua, uli veshët kur doli dhe të gjithë nisën të qeshnin me të në klinikë. Më tha, do bësh edhe një tjetër tani që të dali vëlla”, tregoi gazetarja.