Dosjet e nxehta mbi tavolinën e Altin Dumanit: Kush ka tentuar të fshehë gjurmët

Gazetari Ardit Hoxha tregoi në emisionin Now në Euronews Albania se pyetjet e deputetëve të opozitës ishin më të shumta drejtuar kreu të SPAK, Altin Dumani gjatë raportimit 220 minutësh në Kuvend.

Ai tha se pyetjet më të shpeshta kishin të bënin me aferar korruptive si inceneratorët, por edhe të tjera si çështja Berisha apo ajo që ka të bëjë me kryebashkiakun Erion Veliaj.

“Për Berishën kishte interes të shtuar nga deputetët e PD, kërkon të dinin nga Dumani pse mbahet në arrest shtëpie kur nuk ka një akuzë zyrtare duke e cilësuar masën ndaj tij si politike dhe jo penale. Edhe akuza e opozitës ndaj kryebashkiakut të Tiranës ishte një nga temat e preferuara të opozitës, Dumani u tregua hermetik duke iu shmangur përgjigjeve të drejtpërdrejta. Korrupsioni intelektual për Dumani janë akuzat ndaj të hetuarve, të akuzuarve apo të arrestuarve me kollare, zyrtarë apo ish-zyrtarë. Dumani e cilësoi këtë si niveli më të vështirë të krimit për t’u hetuar pasi sipas tij një intelektual para se të bëjë veprën penale ka marrë parasysh të gjitha hetimet, ndaj e ka cilësuar edhe më të vështirin për t’u provuar”, tha gazetari Hoxha.

LEXONI GJITHASHTU:

• Komisioni Antikorrupsion| Dumani: Çdo reformë të respektojë ndarjen e pushteteve
• A ke marrë mesazh nga Rama? Bardhi pyet Dumanin, si përgjigjet kreu i SPAK