Tenis| Djokoviç avancon më tej, serbi mposhti Nadal në fazën e 1/16

Një set i parë i fituar lehtësisht dhe i dyti u luftua më tepër nga ana e Nadal, por pa rezultat në fund, Novak Djokoviç ka avancuar në 1/8 e lojërave olimpike.

Tenisti serb zhvilloi një performancë të jashtëzakonshme duke konfirmuar formën e mirë që po kalon, me Nadal që pavarësisht përpjekjeve të vazhduara këtë sezon, e pati të pamundur të ishte në 100% e tij, duke prere kështu shpresat për të siguruar një medalje në lojërat olimpike.

Këtë të hënë u zhvillua dueli mes dy yjeve të tenisit botëror, që me gjasa është dhe përplasja e fundit mes tyre në këtë nivel. Seti i parë u dominua plotësisht nga Djokovic, që arriti të triumfojë në shifrat 6-1. Në të dytin, spanjolli 38-vjecar arriti të rikuperojë avantazhin deri në 4-4, por 2 raundet e fundit ishin vendimtare, me Djokovic që vulosi 6-4 dhe në total 2-0 me sete, duke kaluar më tej pa shumë mundim.

Nadal nuk ishte me performancën e tij më të mirë, madje është tërhequr nga disa aktivitete tenisi përgjatë vitit, ndërsa aktualisht renditet i 161-ti në boti, në anën tjetër serbi 37-vjecar i 2-ti.

LEXONI GJITHASHTU:

• Çerekfinalet e Indian Wells në Tenis| Zverev sfidon Alcaraz, Sinner përball Lehecka
• Sinner flet pas trofeut të parë, zbulon idhullin e tij në Tenis