Sinner flet pas trofeut të parë, zbulon idhullin e tij në Tenis

Jannik Sinner është sportisti i momentit, kjo pas atij triumfi spektakolar në Australian Open, ku arriti të mposhtte dy pretendentët kryesorë për fitimin e trofeut.

Italiani 22-vjecar vijon të renditet i katërti në botë, teksa në vendin e parë është veterani serb e më pas dyshja Alcaraz-Medvedev. Pavarësisht këtyre fakteve, italiani është tenisti më i ri në moshë që fiton në tokën australiane pas Djokovic në 2008.

Në një deklaratë dhënë së fundmi, Sinner ka shprehur lumturinë për suksesin e tij, ndërsa ka zgjedhur dhe idhullin në tenis.

“Nuk e di nëse do të mund ta thyej ndonjëherë rekordin e Djokovic në Australian Open, ai ka fituar 10 tituj këtu. Më duket e vështirë, nuk e besoj se mund ta arrij. Unë për momentin jam shumë i lumtur që po mbaj në duar trofeun e parë.

Momenti që brezi i ri të marrë në dorë botën e tenisit? Nuk mund të flas me siguri nëse ka ardhur momenti për t’u shprehur me siguri mbi këtë temë pasi e ardhmja nuk parashikohet Modeli im? Ka qenë gjithmonë Roger Federer. Jo vetëm për klasin e tij në lojë, por edhe për mënyrën se si ai e prezanton veten”, tha Sinner.

Jannik Sinner arriti të rrëmbejë trofeun e tij të parë, duke triumfuar në Australian Open. 22-vjecari i lindur në Itali, eliminoi në gjysmëfinale pretendentin kryesor Djokovic, ndërsa në finale u përball me Medvedev, të cilin arriti ta përmbysë nga 0-2 në 3-2.

LEXONI GJITHASHTU:

• Halep përjashtohet nga tenisi për katër vjet
• Tjetër trofe për Xhokoviç, tenisti serb triumfon në finalen e US Open