Shabani për dosjet e nxehta të politikës: Duhet t’i detyrojnë të bëjnë punë publike

Kreu i nismës”Thurrje”, Endri Shabani ka komentuar në emisionin Euronews Now me Erla Mëhillin dosjet e bujshme që  Prokuroria e Posaçme ka hapur ndaj një grupi politikanësh.

Në fjalën e tij, Shabani tha se edhe nëse ndaj këtyre politikanëve merren masa, së pari duhet që t’ju sekuestrohet pasuria në saj të korrupsionit që kanë kryer, por nga ana tjetër duhet që këta njerëz të jetojnë në po të njëjtat kushte me qytetarët shqiptar.

Sipas kreut të nismës “Thurrje” , kjo bëhet jo vetëm për të shmangur barrën e rëndesës për  taksapaguesit  ndaj mbajtjes në burg të këtyre personave, por edhe një lloj shpagimi për padrejtësitë e bëra në 34 vite.

“Këta njerëz që e kanë vjedhur vendin dënimi për ata të jetë që përveçse ti sekuestrosh pasurinë, t’i detyrosh që të bëjnë punë publike. Pra të vuajnë jetën e votuesve, që po e vuajnë për 34 vjet. Pjesa e burgut jep një lloj shpagimi. Shumë nga këta vjedhin, pasojat janë që vendi s’ka më ilaçe, njerëzit po largohen, nuk jetojnë në kushtet e duhura. Ne i paguajmë 10 mijë euro nëse shkojnë në burg, por do doja që të jetonin jetën e votuesve të vetë.” -tha Shabani.

LEXONI GJITHASHTU:

• Goditjet e SPAK, avokati: Guxojnë, por “SkyEcc” e morën dhuratë nga partnerët
• Prençi: Grupet kriminale të këtyre 2 qyteteve janë më të frikshmet në Shqipëri