Vdekja e numrit tre të Hezbollahut, sekretari: Po planfikojmë sulm real, jo simbolik

Sekretari i përgjithshëm i Hezbollahut, Hassan Nasrallah u zotua për një “përgjigje të vërtetë” ndaj një sulmi ajror izraelit, ku mbeti i vrarë komandanti i grupit Fouad Shukr në kryeqytetin libanez, Bejrut.

Tel Avivi fajësoi Shukr për sulmin me raketë të së shtunës që vrau 12 njerëz, megjithëse Hezbollahu ka mohuar çdo përgjegjësi.

“Ne po planifikojmë një përgjigje reale dhe të mirëllogaritur, jo thjesht simbolike”, tha Nasrallah në një fjalim televiziv gjatë funeralit të Shukr.

Vrasja e Shukr u pasua me vrasjen e kreut politik të Hamasit, Ismail Haniyeh në Teheran të mërkurën herët, në një sulm që fajësoi Izraelin.

Pavarësisht kësaj, Tel Avivi ende nuk e ka konfirmuar apo mohuar përgjegjësinë.

Nasrallah tha se “Hezbollahu do të rifillojë operacionet e tij të rregullta ushtarake kundër Izraelit të premten.”

Frika është rritur për një luftë të plotë midis Izraelit dhe Hezbollahut mes një shkëmbimi disa mujor të zjarrit ndërkufitar.

LEXONI GJITHASHTU:

• Ministria e Shëndetësisë në Gaza: Izraeli ka vrarë 39,445 palestinezë që nga tetori
• Përshkallëzimi ushtarak në Izreal, kapiteni i Lufthansa refuzon të ulë avionin