Pengmarrja në Tiranë: Babai dhunoi e i hoqi lirinë të dashurit të vajzës së mitur
Euronews Albania ka siguruar detaje nga pengmarrja e ndodhur në Tiranë, ku një 22-vjeçari iu hoq liria dhe u dhunua nga tre persona.
Në pranga si autor të ngjarjes kanë përfunduar shtetasit Arjan Çullhaj, Agim Çullhaj dhe Erind Kullolli.
Motivi i pengmarrjes së 22-vjeçarit është lidhja që ai kishte me vajzën e 41-vjecarit Arjan Çullhaj.
Sipas informacioneve paraprake bëhet me dije se vajza është e moshës 17-vjeçare.
Babai i të miturës së bashku me dy personat e tjerë, e rrëmbyen 22-vjeçarin dhe e dërguan në zonën e Shëngjergjit në Tiranë.
Sipas policisë aty ata kanë ushtruar dhunë fizike ndaj tij.
“Specialistët për Hetimin e Krimeve të Komisariatit të Policisë Nr. 1 arrestuan shtetasit A. Ç., 41 vjeç, A. Ç., 38 vjeç, dhe E. K., 27 vjeç, të tre banues në Tiranë, për veprën penale “Heqja e paligjshme e lirisë” kryer në bashkëpunim, parashikuar nga neni 110/25, i Kodit Penal. Këta shtetas, në bashkëpunim me njëri-tjetrin, kanë marrë forcërisht në automjet, një 22-vjeçar, dhe kanë ushtruar dhunë ndaj tij, për motive të dobëta”, thuhet në njoftimin e policisë.
LEXONI GJITHASHTU:
Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
Vrasja e policit në Korçë, kush është autori dhe si hapi zjarr ndaj efektivëve pasi i pikasi
Vritet një polic gjatë një operacioni në Maliq, plagoset një tjetër
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet