“Skuqem nga turpi”- Reagimi i fortë i Ali Ahmetit për incidentin ndaj Vjosa Osmanit

Lideri i Bashkimit Demokratik për Integrim në Maqedoninë e Veriut, Ali Ahmeti, reagoi në lidhje me incidentin e Shkupit, ku presidentes të Kosovës, Vjosa Osmani, iu tentua t’i merrej telefoni nga shërbimi i sigurisë në aeroportin e Shkupit.

Ahmeti e cilësoi incidentin në aeroportin e Shkupit një skandal të papranueshëm, ndërsa shtoi se ndihet i turpëruar.

“E dashur Presidente, më vjen shumë keq për incidentin dhe skandalin e papranueshëm diplomatik në aeroportin e Shkupit dhe e dënoj në formën më të ashpër të mundshme. Unë skuqem nga turpi i tyre dhe lus të gjithë vëllezërit dhe motrat në Kosovë, por edhe qytetarët tanë, që t’i falin për arsye se nuk dinë se ç’bëjnë. Kur nuk kanë turp të shkelin mbi popullin e vet, mbi vullnetin demokratik të qytetarëve në zgjedhje e të vihen në shërbim vazal e servil të tjetër kujt duke na sjell Putinin e Vuçiçin në Qeveri, atëherë si pyet askush për asgjë dhe na turpërojnë çdo ditë, nga disa herë me radhë”, shkruan ai.

LEXONI GJITHASHTU:

• Skandal/ Sigurimi tenton t’i marrë telefonin Vjosa Osmanit në aeroportin e Shkupitit
• Vjosa Osmani, politikania më e pëlqyer në Shqipëri