“I gjithë shteti zbarkoi në Himarë!”, Dhuli: Këtë fushatë s’dua ta përsëris më kurrë

Juristi Skerdjan Dhuli foli për Euronews Albania në një lidhje direkte nga Borshi. Ai tregoi se procesi për të zgjedhur kryebashkiakun e Himarës është procesi zgjedhor më i pazakontë të cilin nuk do donte ta përsëriste më kurrë.

Sipas Dhulit prej 40 ditësh e më shumë e gjithë vëmendja ka qenë te Himara dhe gjithë shteti me strukturat e tij, duket se është angazhuar për këto zgjedhje.

“Sipas meje ky është procesi zgjedhor më i pazakontë. Është e 7 fushatë që unë zhvilloj për Partinë Demokratike e nuk do doja ta përsërisja më kurrë. Ky proces, e para koha kur zhvillohet ky proces, zgjedhje në muajin gusht ku 80% e saj është vijë bregdetare dhe pesha kryesore i takon ekonomisë së turizmit është e papranueshme.

Së dyti është proces i pazakontë se të paktën 6000 votuesve të Bashkisë së Himarës, ku në total janë 23000 sot u është hequr e drejta e votës.

Në territorin e bashkisë Himarë prej më shumë se 40 ditësh sipas asaj që unë kam parë, është dislokuar i gjithë shteti, ministra, kryetar bashkie, deputet, drejtori i përgjithshëm i IKMT-së, drejtori i përgjithshëm i tatimeve, burgjet, çdo institucion i mundshëm që ka njohur një njeri nga kjo bashki është dislokuar në Bashkinë e Himarës.

Arsye se pse s’do doja ta përsërisja kurrë një fushatë të tillë është edhe fakti se të kesh gjithë shtetin në këmbë nuk është aq e lehtë”,-tha Dhuli.

LEXONI GJITHASHTU:

• Doli për të bërë zhytje në Ksamil, gjendet i vdekur 38-vjeçari (Emri)
• Zgjedhjet në Himarë| Sa qytetarë kanë votuar deri në mesditë, ja shifrat