Konispol| Vrau gruan me sëpatë, gazetarja: Ku ndodhej djali i çiftit në atë moment

Të tjera detaje kanë dalë nga ngjarja e rëndë në Konispol, ku 69-vjeçari Hyso Islami ka vrarë me sëpatë bashkëshorten e tij 66-vjeçe, Shano Islami dhe më pas është vrarë nga djali i tij, 40-vjeçari Klement Islami.

Gazetarja e Euronews Albania, Anxhela Lushkaj, është shprehur se ajo që e bën më të rëndë këtë ngjarje është prania e mbesës së tyre 10-vjeçare (vajzës së 40-vjeçarit Klement Islami, i cili ka qenë i divorcuar) në momentin e ngjarjes.

Sipas gazetares, ka qenë 10-vjeçarja që ka njoftuar të atin (i cili ndodhej në një kafene pranë banesës) se gjyshi vrau gjyshen dhe po ashtu ajo ka qenë prezente kur babai i saj vrau 69-vjeçarin.

“Pas ngjarjes, mbesa 10-vjeçare ka lajmëruar 40-vjeçarin, i cili ndodhej në një kafe pranë banesës. Klement Islamaj ka mbërritur menjëherë në banesë dhe është shokuar kur ka gjetur të ëmën e vrarë dhe ka debatuar me të atin, duke e shtyrë nga shkallët, ku 69-vjeçari ka gjetur vdekjen. Çifti i viktimave, veç 40-vjeçarit ka edhe dy fëmijë të tjerë në emigracion. Familjarët tregojnë se në më shumë se 40 vite martesë, ai ka abuzuar psikologjikisht dhe fizikisht me bashkëshorten e tij”, tha Lushkaj.

LEXONI GJITHASHTU:

• Emrat|E rëndë në Konispol, burri ekzekuton gruan me sëpatë, më pas vritet nga i biri
• Krimi i dyfishtë në Konispol, 2 vrasjet ndodhën në praninë e mbesës 10-vjeçare