EMRAT| Shantazhonin vajza me video intime për t’iu marrë para, në pranga 2 vëllezër

Policia e Tiranës ka arrestuar 2 persona vëllezër me njëri-tjetrin pasi shantazhonin shtetase te ndryshme për dhënie parash, për mospublikimin e videove dhe fotove personale të tyre në rrjete sociale.

Në kuadër të operacionit të koduar “Cybersnare” u vunë në pranga shtetasit Halim Malja, 20 vjeç, dhe Jurgen Malja 18 vjeç (vëllezër), banues në Tiranë.

“Falë veprimeve hetimore profesionale nga specialistët e Sektorit të Hetimit të Krimeve Kibernetike, të kryera gjatë zhvillimit të këtij operacioni, është bërë dokumentimi i plotë ligjor i veprimtarisë kriminale të dy vëllezërve, të cilët dyshohet se në bashkëpunim me njëri-tjetrin, krijonin profile nëpër aplikacione virtuale, dhe pas komunikimeve me persona të ndryshëm, kryesisht të gjinisë femërore, siguronin materiale foto e video intime, dhe për mospublikimin e këtyre materialeve, kërkonin shuma të ndryshme parash. Gjithashtu, nga veprimet hetimore të kryera janë dokumentuar ligjërisht 2 raste të kësaj veprimtarie kriminale, nga të cilat dy vëllezërit kanë përfituar shuma parash nga një 14-vjeçare””, bëri me dije policia.

Në cilësinë e provës materiale janë sekuestruar shuma parash dhe 2 celularë.

LEXONI GJITHASHTU:

• I gjetën kokainë dhe kanabis në dhomën e hotelit, arrestohet 25-vjeçari në Himarë
• Të dënuar për prodhim e shitje droge, arrestohen 2 persona në Fier (Emrat)