EMRI| Vodhi 900 mijë lekë në banesën në Tiranë, arrestohet 30-vjeçari

Një 30-vjeçar, i identifikuar si Elidon Alla, është arrestuar këtë të enjte nga policia e Tiranës, pasi dyshohet se është autori i vjedhjes së një shume prej 900 000 lekësh të reja, në një banesë në kryeqytet.

30-vjeçari akuzohet si autori i vjedhjes së parave në një banesë në rrugën “Mihal Popi”, ngjarje ndodhur më datë 02 gusht.

Në cilësinë e provës materiale janë sekuestruar 2800 euro dhe veshje që autori ka patur gjatë vjedhjes.

Materialet në  ngarkim të tij i kaluan Prokurorisë për veprime të mëtejshme.

“Sekuestrohen 2800 euro që iu gjetën 30-vjeçarit, gjatë kontrollit, dhe që janë produkt i veprës penale, si dhe veshjet që ai ka patur gjatë vjedhjes.

Shërbimet e Komisariatit të Policisë Nr. 2, në vijim të punës për garantimin e sundimit të ligjit në territor, goditjen e veprimtarive kriminale në fushën e vjedhjes së pasurisë dhe vënien e autorëve përpara përgjegjësisë penale, kanë organizur dhe finalizuar operacionin policor të koduar “Vëzhgimi”.

Si rezultat u arrestua shtetasi E. A., 30 vjeç, banues në Bulqizë, për veprën penale “Vjedhja”, parashikuar nga neni 134/2 i Kodit Penal”, thuhet në njoftimin e policisë.

LEXONI GJITHASHTU:

• Kultivonte kanabis në oborrin e banesës së tij, arrestohet një person në Gjirokastër
• Dyshohet se u përfshinë në sherrin në Pejë, arrestohet reperi Noizy dhe Dj Crax