Vendasit pushojnë në Zvërnec: Janë plazhe të qeta e të pastër dhe çmime të arsyeshme

Vija bregdetare e Zvërnecit dhe Plazhit të vjetër këtë sezon është qendra e pushuesve vendas. Një pjesë e mirë e qytetarëve i zgjedhin plazhet e Zvërnecit sepse çmimet janë më të lira dhe më të arsyeshme.

 “Shumë mirë ndihemi, unë kam 15 vjet që bëj plazh këtu në këtë zonë dhe jam shumë e kënaqur, e keni fjalën për çmimet? Normale më janë dukur”,-tha qytetarja.

“Se këtu është një bukuri shumë e madhe, plazhi është shumë i madh, ka një pastërti të shkëlqyer, në çdo 5 metër ka një kosh, ambienti i mirë, vijmë dy herë në javë se jemi nga Berati”,-tha qytetari.

Nga ana tjetër ka nga ata pushues të cilët kthehen ne vendlindje për të pushuar me familjarët e tyre dhe zgjedhin Zvërnecin për të bërë plazh.

 “Po shumë mirë, rëra, pastërtia, ne kemi ardhur me pushime, nga Greqia, të kalojmë pushimet këtu sa më mirë, do të qëndrojmë gjithë muajin, çdo vit vijmë sepse jemi vlonajt dhe e frekuentojmë shumë”,-tha qytetarja

Vija bregdetare e Zvërnecit ka marrë një zhvillim të veçantë dhe me ritme shumë të shpejta. Pothuajse e gjithë zona është kthyer në një ambient të qetë me një sërë ofertash dhe shërbimesh të cilat tërheqin një pjesë të mirë të vizitorëve vendas dhe të huaj.

LEXONI GJITHASHTU:

• Fshati turistik i Zvërnecit, banorët: Uji vjen një herë në 4 ditë
• Festohet Shën Mëria, besimtarët ortodoksë pelegrinazh në manastirin e Zvërnecit