Qëllon me kallashnikov ndaj banesës së vjehrrit të djalit, arrestohet 63-vjeçari

Një 63-vjeçar është arrestuar nga policia e Fierit pasi qëlloi me armë zjarri automatik, në drejtim të banesës së vjehrrit të djalit të tij.

Ky shtetas dyshohet se pas konflikteve të vazhdueshme familjare me vjehrrin e djalit të tij, ka qëlluar drejt banesës së këtij të fundit me automatik duke kanosur atë dhe familjarët.

Pas kontrollit të banesës së shtetasit P. S., shërbimet e Policisë kanë gjetur dhe sekuestruar armën e zjarrit dhe municion luftarak.

Materialet procedurale i kaluan Prokurorisë, për veprime të mëtejshme.

“Shërbimet e Komisariatit të Policisë Fier, pas kallëzimit të marrë nga një shtetas se dikush ka qëlluar me armë zjarri në drejtim të banesës së tij, menjëherë ka organizuar punën për identifikimin dhe kapjen e autorit.

Në bashkëpunim me Komisariatin e Policisë Divjakë, dhe falë inteligjencës policore u bë e mundur kapja dhe arrestimi në flagrancë i shtetasit:

-P. S., 63 vjeç, banues në fshatin Karavasta e Re, Divjakë”, thuhet në njoftimin e policisë.

LEXONI GJITHASHTU:

• Krim në azilin e pleqve në Tiranë, 78-vjeçari vret shokun e dhomës me shkop
• Krimi i dyfishtë në Konispol, 2 vrasjet ndodhën në praninë e mbesës 10-vjeçare