Zjarr në tokat bujqësore në Dimal, 2 zjarrfikëse nga Berati në terren

Një zjarr ka rënë sot në tokat bujqësore të fshatit Syzes në bashkinë Dimal.

Zjarri, që mendohet se është shkaktuar nga pakujdesia e disa fermerëve që ishin duke djegur mbeturinat, është përhapur me shpejtësi, i favorizuar nga era dhe temperaturat e larta duke rrezikuar serat e zonës.

Në  ndihmë të zjarrfikësve të Dimalit kanë shkuar edhe 2 mjete zjarrfikëse me 8 efektivë nga Berati.

Raportohet se zjarri është lokalizuar dhe po punohet për shuarjen e plotë të flakëve. Ende nuk dihet sipërfaqja e saktë e përfshirë nga flakët, që ka të bëjë me tokat e mbjella, ndërkohë që rreziku i përhapjes së zjarrit drejt serave u shmang totalisht.

LEXONI GJITHASHTU:

• Del jashtë kontrollit zjarrin në Parkun Kombëtar të Prespës
• Dogji 10 ha tokë e qindra ullinj, arrestohet 63-vjeçari që vuri zjarrin në Selenicë