I dënuar për trafikim të miturisht, ekstradohet nga Greqia në Shqipëri (Emri)

Kujtim Demiri i cili është dënuar me 15 vite burg nga Gjykata e Shkallës së Parë për Krimet e Rënda në Tiranë pasi akuzohet për trafikim të miturisht është ekstraduar nga Greqia për në Shqipëri.

Demiri akuzohet se ka marrë nga Shqipëria në Greqi fëmijën e mitur H.S  dhe e ka shfrytëzuar për të lypur në Greqi nën ushtrimin e dhunës.

Njoftimi:

Bashkëpunimi midis Interpol Tirana dhe Interpol Athina mundëson arrestimin dhe ekstradimin e një të kërkuari nga Greqia në Shqipëri.

Më datë 20.08.2024, pas një bashkëpunimi intensiv dhe shkëmbimi informacioni mes Interpol Tirana dhe Interpol Athina u realizua arrestimi dhe ekstradimi nga Greqia i shtetasit Kujtim Demiri.

Ky shtetas ishte shpallur në kërkim ndërkombëtar nga Interpol Tirana më datë 06.01.2018, pasi Gjykata e Shkallës së Parë për Krimet e Rënda, me vendimin e datës 01.02.2010, e ka dënuar me 15 vjet burg, për veprën penale “Trafikikimi të miturve”, parashikuar nga neni 128/b/2 , i Kodit Penal.

Sipas vendimit, shtetasi Kujtim Demiri ka marrë nga Shqipëria në Greqi fëmijën e mitur H.S  dhe e ka shfrytëzuar për të lypur në Greqi nën ushtrimin e dhunës.

Policia e Shtetit dhe Interpol Tirana vazhdojnë angazhimin për sjelljen në Shqipëri dhe vendosjen para drejtësisë të personave në kërkim ndërkombëtar.

LEXONI GJITHASHTU:

• Durrës| Futën sende të përfituara nga veprimtari kriminale, procedohen dy shtetas
• Ferhati: Deportohet nga Britania shqiptari që drejtonte trafikun e emigrantëve