Mclaren dhe Norris dominojnë në Zandvoort

Lando Norris siguroi “pole position” në “Dutch Grand Prix në stil triumfues që i dha një diferencë prej 3 të dhjetash nga Max Verstappen në Provat Zyrtare që u transmetuan në Euroneës Albania dhe IN Radio. Pas xhiros së parë të shpejtë në sesionin e 3’të kualifikues, Norris u përmirësua në tentativën e fundit me kohën 1m 09.673s në bordin e McLaren. Kjo e zbriti Verstappen sërish në vendin e dytë.

Oscar Piastri nuk shkoi më larg se vend i 3’të duke lënë pas rivalin e Mercedes, George Russell. Sergio Perez u paraqit më mirë se garat e fundit kur meksikani e vendosi Red Bull’in e tij në vendin e 5’të. Ferrari i Charles Leclerc ishte makina e 6’të më e shpejtë përpara Aston Martin dhe Fernando Alonso’s që bënë më mirë se Alex Albon dhe Williams në vendin e 8’të.

Lance Stroll dhe Pierre Gasly plotësuan top-10 me Aston Martin dhe Alpine respektivisht. Mirëpo surprizat nuk munguan mes të eleminuarve në sesionin e 2’të. Carlos Sainz pati vështirësi dhe nuk e renditi më lart se vendi i 11’të, Ferrari’n e tij. Leëis Hamilton që do ti nënshtrohet investigimit për një incident të mundshëm me Sergio Perez në sesionin e 1’rë, do të niset nga vendi i 12’të. Bashkë me ta u eleminua Tsunoda dhe binomi i Haas, Hulkenberg-Magnussen. Kjo është rradha e nisjes në Garën që do të transmetohet të dielën nga Euronews Albania dhe IN Radio:

1. Lando Norris (McLaren) – 1:09.673
2. Max Verstappen (Red Bull)
3. Oscar Piastri (McLaren)
4. George Russell (Mercedes)
5. Sergio Perez (Red Bull)
6. Charles Leclerc (Ferrari)
7. Fernando Alonso (Aston Martin)
8. Alex Albon (Williams)
9. Lance Stroll (Aston Martin)
10. Pierre Gasly (Alpine)
11. Carlos Sainz (Ferrari)
12. Lewis Hamilton (Mercedes)
13. Yuki Tsunoda (RB)
14. Nico Hulkenberg (Haas)
15. Kevin Magnussen (Haas)
16. Daniel Ricciardo (RB)
17. Esteban Ocon (Alpine)
18. Valtteri Bottas (Sauber)
19. Zhou Guanyu (Sauber)

. Logan Sargeant (Williams)

LEXONI GJITHASHTU:

• Verstappen maksimizon dominimin austriak mbi Norris dhe Russell
• Norris Pole Position në Hungari