Shqipëria vuan emigrimin masiv, IOM: Shkak, pagat e ulëta dhe korrupsioni

Shqipëria vazhon të përballet me ikjet masive të popullsisë së saj drejt vendeve më të zhvilluara. Bashkë me Moldavinë, ajo qëndron ndër vendet me nivelin më të lartë të emigracionit në raport me popullsinë. Problemin e vë në dukje, Organizata Ndërkombëtare për Emigracionin, në raportin global për vitin 2024.

Kryesisht, për shkak të mungesës së perspektivës së punësimit me paga dinjitoze, shumë njerëz janë larguar nga disa nënrajone të BE për të punuar në Europën Perëndimore dhe Veriore.

“Vende të tilla si Shqipëria dhe Republika e Moldavisë janë disa nga më të goditurat; rreth 40% e fuqisë punëtore të Shqipërisë, për shembull, vlerësohet të jetë duke punuar jashtë vendit, duke kontribuar në ikjen e trurit, duke ushtruar presion mbi industritë dhe ekonomitë vendase që vazhdimisht humbasin punëtorë si në sektorët me kualifikim të ulët, ashtu edhe në atë të lartë”, vuri në dukje IOM.

Organizata Ndërkombëtare për Emigracionin rendit si arsye normat e larta të varfërisë, diferencat e pagave midis Shqipërisë dhe vendeve të tjera të rajonit, korrupsionin dhe klientelizmin e konsiderueshëm që kanë ndikuar në vendimet e njerëzve për t’u larguar nga vendi ynë.

LEXONI GJITHASHTU:

• Emigrimi problem kryesor i vendit, bie korrupsioni si shqetësim
• Të moshuarit pre e depresionit, psikiatria: Emigrimi i fëmijëve ka rritur problemet